Gjuha
Nxënësit e shkollës shqipe festojnë kuq e zi në Cyrih
Nxënësit e shkollave shqipe, të vegjël e të rritur, të veshur kuq e zi, kanë festuar të dielën Ditën e Flamurit dhe Pavarësinë e Shqipërisë.
Një festë e tillë ishte organizuar në Glatbrugg nga Lidhja e Arsimtarëve dhe Prindërve Shqiptarë për kantonin Cyrih, e cila tashmë i ka bërë tradicionale manifestimet e tilla me karakter kulturor dhe kombëtar, të cilat i feston për çdo vit së bashku me nxënësit e shkollave shqipe dhe prindërit e tyre nga kantoni i Cyrihut.
Nxënësit janë shoqëruar nga prindërit e tyre, ndërsa ishin të pranishëm edhe mysafirë të tjerë nga Kantoni Cyrih, por edhe nga kantonet e tjera për rreth.
Në fillim në skenë u ngjiten fëmijët e shkollave shqipe për të intonuar himnin e flamurit kombëtar, nën dirigjimin e mësuesit Hasan Spahiu.
Të pranishmit i përshëndeti nikoqiri Naser Ulaj, kryetar i LAPSH-it për Kantonin e Cyrihut.
Për dallim prej herëve të tjera, kanë munguar fjalimet, duke dominuar programi artistik, i përgatitur kryesisht nga nxënësit me recitale, vjersha dhe këngë, duke e plotësuar edhe shoqëria kulturore artistike “Rilindja”, e cila u paraqit me disa valle të bukura shqipe.
Pjesa e dytë e programit ishte rezervuar me muzikë popullore, duke i ftuar të gjithë të pranishmit në vallëzim.
Të gjithë së bashku, mësues, nxënës, prindër dhe mysafirë të tjerë, u kënaqën nën tingujt e muzikës deri në orët e vona të mbrëmjes.
Albinfo.ch sjell atmosferën nga ky manifestim nëpërmjet fotove në galeri:
E-Diaspora
-
Humb jetën tragjikisht 22-vjeçari shqiptar në këtë shtet Një 22-vjeçar shqiptar ka humbur jetën në mënyrë tragjike në Greqi, përcjell albinfo.ch. Mediat greke bëjnë...
-
Kandidati për eurodeputet me origjinë shqiptare, Muharrem Salihu, merr mbështetje në Itali
-
Vildane Rexhepi, menaxhere prokurimi në IT-në e bankës UBS
-
Muhamed Mustafi, ylli shqiptar në St. Gallen
-
Shqipëria, pjesë e paradës së karnavaleve në Berlin
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?