Lajme
Numri i të vdekurve nga koronavirusi shkon në 259
Sipas raportimeve të fundit, virusi vdekjeprurës është përhapur në 25 shtete, përfshirë Mbretërinë e Bashkuar dhe Rusinë, ndërsa 10 mijë njerëz janë infektuar.
Autoritetet shëndetësore të Kinës kanë bërë të ditur se ka shkuar në 259 numri i viktimave nga koronavirusi. Në anën tjetër, Shtetet e Bashkuara morën masa për kufizimin e lëvizjes së personave që kanë qenë më herët në Kinë.
Vlen të theksohet se provinca Hubei, e cila është epiqendra e epidemisë së rrezikshme, po vazhdon të mbahet në karantinë. Rrugët janë të mbyllura dhe transporti publik është ndërprerë.
Për shkak të frikës se virusi mund të përhapet edhe më tutje, Shtetet e Bashkuara vendosën masa të rrepta për hyrjne e të huajve që kanë qenë në Kinë kohëve të fundit. Për më tepër, tri kompanitë ajrore kryesore amerikane njoftuan të premten se do t’i anulojnë fluturimet drejt Kinës.
Megjithatë, Gauden Galea, përfaqësues i Organizatës Botërore të Shëndetësisë në Kinë, tha se masat për kufizimin e udhëtimeve nuk kanë qenë të nevojshme, shkruan “Reuters”.
“Ne do të donim që shtetet të përqendrohen në përpjekjet për identifikimin e rasteve të mundshme dhe kundërpërgjigjen ndaj ndonjë përhapjeje brenda territoreve të tyre”, tha ai.
Sipas kompanisë për analizimin e të dhënave të udhëtimeve, Cirium, rreth 10 mijë fluturime janë anuluar prej kohës së shpërthimit të koronavirusit, përcjell albinfo.ch.
Të ngjashme
Të tjera nga Lajme
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit