Numër rekord të papunësh në BE

Në të gjitha vendet e Bashkimit Evropian, marrë së bashku janë rreth 19 milionë të papunë, njofton Zyra Evropiane për Statistika Eurostat

Në Bashkimin Evropian është shënuar shkalla më e lartë e papunësisë në njëzet vitet e fundit. Në muajin nëntor papunësia është ngritur në 11.8 për qind.

Kjo nënkupton se në të gjitha vendet e Bashkimit Evropian, marrë së bashku janë rreth 19 milionë të papunë, njofton Zyra Evropiane për Statistika Eurostat.

Kjo zyrë po ashtu konstaton se hendeku në mes të shteteve të BE-së në veri dhe atyre në jug në këtë segment vjen duke u rritur.

Komisioni Evropian në një raport të vetin konstaton po ashtu se se të ardhurat reale në dy të tretat e vendeve anëtare të BE-së kanë pësuar rënie.

Si ilustrim tregohet se familjet në Greqi sot kanë rreth 20 për qind më pak të holla në dispozicion se sa në vitin 2009.