Futboll
Notat e futbollistëve të Zvicrës për sezonin 2018/19
Notat e Granit Xhakës, Xherdan Shaqirit, Albian Ajetit dhe Admir Mehmedit
Edicioni 2018/2019 është drejt fundit ku do të zhvillohen edhe dy finale, por në të dyja finalet do të paraqiten yjet shqiptarë, si Xherdan Shaqiri me Liverpoolin kundër Tottenhamit dhe Granit Xhaka e Shkodran Mustafi me Arsenalin kundër Chelseat, shkruan albinfo.ch.
“Bluewin.ch” ka bërë vlerësimin e futbollistëve të Nati-t për sezonin e tyre që kanë pasur në skuadrat respektive. Notat janë nga 1 deri në 6.
Granit Xhaka u vlerësua me notën 5. Xhaka përsëri kishte kritika në Angli edhe në këtë edicion, por ka luajtur vazhdimisht në nivel të lartë, duke udhëhequr skuadrën londineze dhe Zvicrën, disa herë edhe si kapiten. Arsenali u rendit në vendin e pestë, por nëse fiton Ligën e Evropës, ku në finale përballet me Chelsean, sërish do të garojë në garën më të fortë për klube.
Xherdan Shaqiri u vlerësua me notën 4.5. Nëse ka luajtur, ai ka bindur gjithmonë. Por, nuk luajti shumë. Konkurrenca në Liverpool gjithashtu është e madhe, derisa ai ka pranuar edhe rol të ri pa shumë zhurmë. Në finale të Ligës së Kampionëve pritet të jetë në bankën rezervë, por mund të bëhet hero në fund, përcjell albinfo.ch.
Edhe Albian Ajeti u vlerësua me 4.5 për sezonin në Basel. Ai ka bërë debutimin e tij me Nati-n në shtator dhe ka bindur Petkoviqin me cilësitë e tij. Kundër Danimarkës u lejua të luajë nga fillimi. Në 43 ndeshje me Baselin, ai ka shënuar 21 gola dhe ka bërë 11 asistime, përcjell tutje albinfo.ch.
Admir Mehmedi është vlerësuar me 5 për sezonin e tij në Wolfsburg. Skuadra e tij edicionin e ardhshëm do të marrë pjesë në Ligën e Evropës, që pakkush e kishte menduar, megjithatë, meritë ka edhe sulmuesi shqiptar. Ai ka bindur në anën sulmuese, por i ka ndihmuar skuadrës edhe në mbrojtje. Ai shënoi gjashtë gola në 26 paraqitje. Nëse nuk do të lëndohej, sigurisht se Petkoviq do të llogariste në të.
Të ngjashme
Të tjera nga Futboll
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik