Lajme
Vjenë: Për të aplikuar për nënshtetësi austriake, një vit pritje për termin
Vetëm për dorëzimin e dokumenteve apo një takim personal konsultimi paraprak, siç e parasheh rregullorja, personat që dëshirojnë të natyralizohen në Vjenë, presin pothuajse një vit.
Rreth 20,000 nënshtetësi të reja u dhanë në Austri gjatë vitit 2023, prej tyre 4,000 vetëm në Vjenë. Por, për t’u pajisur me pasaportë austriake, aplikantët në Vjenë duhet të kenë shumë durim. Vetëm për dorëzimin e dokumenteve apo një takim personal konsultimi paraprak, siç e parasheh rregullorja, personat që dëshirojnë të natyralizohen presin mesatarisht 341 ditë, ose pothuajse një vit. Megjithatë, Departamenti i Migracionit MA35 i Vjenës ka angazhuar edhe 105 persona shtesë për të përshpejtuar terminët e ardhshëm.
Stafi po rritet
“Dhënia e shtetësisë austriake është një vendim i rëndësishëm dhe, pavarësisht nga efikasiteti dhe orientimi i shërbimit, duhet të shqyrtohet me kujdes”, shpjegon nënkryetari i Bashkësisë së Vjenës, Christoph Wiederkehr, në një takim mbi reformat në MA35. Për të përballuar kërkesën në rritje, tani do të punësohen 105 punonjës shtesë në mënyrë që të mund të ofrojnë një mijë takime aplikimi në muaj nga shkurti 2025, përcjell albinfo.at.
Aplikimet janë katër herë më të larta
Arsyeja e nxitimit janë kohët e pasigurta: refugjatët që erdhën në Austri në vitin 2015 tani kanë të drejtë të aplikojnë. Përveç kësaj, shumë shtetas të huaj që kanë jetuar këtu për një kohë të gjatë po aplikojnë tani për t’u natyralizuar. Këta janë persona nga Ukraina, për shembull. “Vjena po rritet ndërkombëtarisht si çdo metropol evropian”, shpjegon shefi i MA35, Georg Hufgard-Leitner.
“Midis 2019 dhe 2021, ne kemi marrë nga 300 deri në 400 aplikime të reja për shtetësi austriake në muaj. Tani ofrojmë 720 takime në muaj nëpërmjet rezervimit të takimeve online. Katër herë më shumë takime tani janë duke u rezervuar se dy vjet më parë”, ka thënë Hufgard-Leitner për mediat austriake, transmeton albinfo.at.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?