Një stuhi e vogël ka shkundur edhe Zvicrën

Siç pritej, stuhia “Leiv” arriti në Zvicër të shtunën pasdite. Në lartësi, era arriti deri në 128 km/orë në akullnajat e Diablerets (VD), 126 km/orë në La Dolle (VD) dhe 124 km/orë në Moléson (FR), bën të ditur MeteoNews.

Në lartësi të ulëta shpejtësia e erës arriti në 94 km/orë, në Altdorf, 83 km/orë, në Saint-Prex (VD) ose 78 km/orë në Gjenevë. Në rrafsh era ka kaluar 90 km/orë, si në Villars-Tiercelin (VD) ose në rrethinën e Cyrihut. Stuhia u shua gjatë natës.

Moti duket se do të jetë me i qetë ditët e ardhshme në Zvicër, por i lagësht dhe i ftohtë, me periudha me shi. Në male do të bjerë borë deri në afro njëzet centimetra deri të hënën në mëngjes, sidomos në zonat sipër 2000 metra lartësi.

Një mot i thatë dhe pa erë pritet nga e enjtja. Sipas të dhënave meteorologjike, fundi javës (shkurt 11-12) do të jetë i favorshëm për sportet dimërore, thekson MeteoNews.