Shkurt.ch

Një i plagosur natën e së shtunës në Cyrih

E shtunë, 16 Shkurt 2019 - 15:20 albinfo.ch
Keystone

Një shtetas kosovar, 19-vjeçar, është plagosur rëndë dhe i njëjti është dërguar në spital.

Sipas policisë së qytetit të Cyrihut, një person është arrestuar si i dyshuar.

Gazeta zvicerane “Blick” ka shkruar se mosmarrëveshja është shkaktuar mes disa personave para një shisha bari në rrugën “Jungholzstrasse” në Oerlikon, përcjell albinfo.ch.

19-vjeçari kosovar është plagosur rëndë në pjesën e sipërme të trupit, pasi është therur me thikë.

Kosovari i plagosur është dashur të dërgohet në spital në gjendje kritike, ku është operuar me urgjencë.

Autori i arrestuar, sipas policisë, është një zviceran 18-vjeçar, ndërsa në lidhje me rastin është arrestuar edhe një tjetër person.

Arma me të cilën është kryer akti është konfiskuar nga policia, ndërsa janë duke vazhduar hetimet në lidhje me rastin.

 

 Të ngjashme

Privilegj apo sfidë? Një brez mes rrënjëve dhe horizonteve të reja

 Të tjera nga Shkurt.ch

Shkencëtarët në Zvicër synojnë të testojnë një parim të teorisë së gravitetit të Ajnshtajnit

 E-Diaspora

 Jeta në Austri