Një i panjohur i fal muzeut 750 mijë franga

Kjo dhuratë e papritur ia shton muzeut të arteve në Bernë mundësitë për të pasuruar fondin e tij të veprave artistike

Muzeu i Arteve në Bernë me arsye i është gëzuar vitit 2012. Vitin e kaluar atij i kanë “pikur nga qielli” plot 750 mijë franga. Ato i ka dhuruar një artdashës i cili nuk ka dashur të identifikohet. Kjo dhuratë muzeut në fjalë ia shton mundësitë për të pasuruar fondin e tij të veprave artistike.

Me paratë e ardhura papritur, muzeu do të blejë krijime të artit klasik dhe modern. Drejtori i Muzeut të Arteve ga Berna, Matthias Frehner, e ka bërë publik të premten, në konferencën vjetore për shtyp, njoftimin për dhuratën. Ai ka thënë se lajmin e mirë muzeut ia ka sjellë një avokat.

Gjatë vitit të kaluar Muzeun e Arteve të Bernës e kanë vizituar 77.725 veta. Kjo është shifër e krahasueshme me atë të vitit 2009 dhe 2010 por është shumë më e ulët se 170.000 sa ishte në vitin 2010.