Lajme
Një i arrestuar për vrasjen e tri grave në Vjenë
Policia në Vjenë po heton vdekjen e katër grave dhe një adoleshenteje në një periudhë 24-orëshe.
Tri gra u vranë me thikë nga një burrë në një bordello në kryeqytetin e Austrisë të premten. Një i dyshuar është arrestuar.
Një tjetër grua dhe vajza e saj u vranë në një incident pa lidhje. Hetuesit besojnë se babai i vajzës ishte përgjegjës.
Aktivistët e përshkruan ditën si “E Premtja e Zezë” dhe kërkuan veprime urgjente për të ndaluar dhunën ndaj grave.
Trupat e tri grave u gjetën në një ndërtesë në rrethin qendror Brigittenau rreth orës 21:00 me orën lokale,pasi një dëshmitar thirri shërbimet e urgjencës.
I dyshuari, të cilin policia e ka përshkruar si një shtetas afgan 27-vjeçar, u gjet i fshehur pranë bordellos me një thikë në dorë.
Motivi i vrasjes është aktualisht i paqartë, por burri është marrë në pyetje.
Më herët të premten, një grua 51-vjeçare dhe vajza e saj 13-vjeçare u gjetën të vdekura në një apartament në zonën e Erdberg – rreth 12 km nga vendi ku ndodhi incidenti tjetër.
Nuk ka dyshime se ngjarjet mund të jenë të lidhura.
Policia është ende në kërkim të bashkëshortit të gruas, i cili është edhe babai i vajzës, pasi hetuesit dyshojnë se ai mund t’i ketë mbytur.
“Hetimet fillestare, të cilat janë aktualisht në proces, tregojnë se ishte përfshirë forcë e hapur”, tha zëdhënësi i policisë, Philip Hasslinger.
Eva-Maria Holzleitner, drejtuese e departamentit të politikave të grave të Partisë Social Demokratike (SPO) të opozitës, i ka kërkuar qeverisë federale të thërrasë një takim krize për të diskutuar çështjen e femicideve në vend.
“Ne vajtojmë gratë e vrara, po mendojmë për të mbijetuarit dhe bëjmë thirrje që një plan kombëtar veprimi për mbrojtjen nga dhuna të zbatohet më në fund për të mbrojtur jetën e grave në Austri”, tha zonja Holzleitner.
Klaudia Frieben, drejtuese e organizatës ombrellë të Unazës së Grave Austriake (OFR), shkroi në X (ish-Tëitter) se “kjo ditë do të hyjë në histori si e Premtja e Zezë me pesë gra të vdekura”.
Sipas të dhënave më të fundit mbi normat e femicideve në Austri, të publikuara nga Instituti i Kërkimeve të Konflikteve, rreth 319 gra u vranë në vend midis viteve 2010 dhe 2020 – kryesisht nga partnerët meshkuj ose ish-partnerët.
Qeveria e koalicionit është zotuar të godasë këtë çështje – duke premtuar pothuajse 25 milionë euro në vitin 2021 për nismat që synojnë mbrojtjen e grave nga dhuna./BBC
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998