Ngasësit e rinj paguajnë 11 herë më shtrenjtë sigurimin

Ngasësit 18 vjeçarë të automjeteve në Zvicër detyrohen të paguajnë dukshëm më shumë për sigurimin e automjeteve krahasuar me personat e moshës rreth 35 vjeçare. Ndërkaq, edhe personat në moshë të shtyrë paguajnë çmime më të larta.

Mesatarisht pagesa vjetore bazike që bëjnë 18 vjeçarët për sigurim të automjetit është për 3.5 fish më e shtrenjtë se ajo e personave më në moshë, ajo volkasko është 2.5 herë më e shtrenjtë ndërsa pagesa e sigurimit të pjesshëm 3 herë, shkruan 20minuten.ch.

Ndërsa rekordin për çmim të lartë të premisë e mban një kompani e cila ka kërkuar 1090 % (ose afër 11 fish) më shumë për 18 vjeçarët në krahasim me personat rreth 35 vjeçarë. Këto të dhëna i ka publikuar sot bonos.ch, që merret me krahasimet e çmimeve.

Ndonëse çmimet dallojnë nga kompania në kompani, ajo që është e përbashkët për të gjitha është se dallimi i lartësisë së premisë në mes të grupmoshave kudo është i madh.