Lajme
Gjykata Federale i ul kosovarit dënimin: Nga burgu i përjetshëm, në 4 vjet burg
BGH i është referuar një deklarate nga i pandehuri se ai po udhëtonte në një rrugë në të cilën kishte përparësi të dukshme
Një 22-vjeçar duke ngarë me shpejtësi marramendëse makinën e tij me 600 kuaj fuqi gjatë një gare nëpër një zonë të banuar – kishte shkaktuar vdekjen e një gruaje të papërfshirë në garë, shkruan press24.net.
Gjykata e Landit e kishte dënuar kosovarin me burg të përjetshëm për vepër penale të vrasjes, por Gjykata Federale (BGH) ka ndërhyrë, transmeton albinfo.ch. Në procesin e sapohapur, i akuzuari tani ka kaluar shumë më lehtë. Kjo ka ndodhur edhe për faktin se ai po voziste në një rrugë ku kishte përparësi, në Moers am Niederrhein.
I pandehuri tashmë 24-vjeçar u dënua me katër vjet burg. Kjo u njoftua nga një zëdhënëse e gjykatës pas shpalljes së vendimit, transmeton albinfo.ch. Vendimi i ri i Gjykatës së Landit, në Kleve, është dukshëm më i butë se dënimi i përjetshëm i vendosur nga gjyqtarët në shkurt të vitit 2020.
Një shofere 43-vjeçare e rastit pati pësuar dëmtime fatale në prill të vitit 2019 kur makina e fuqishme e të riut qe përplasur me makinën e saj.
Por, Gjykata Federale e Drejtësisë (BGH) kishte shfuqizuar dënimin për vrasje ndaj shoferit sepse gjykatësit e gjykatës më të lartë të Gjermanisë nuk kishin gejtur prova të mjaftueshme që i riu të ketë vepruar me dashje.
Me vendimin e ri, Gjykata e Landit ka ndjekur po këtë pikëpamje dhe e ka dënuar të pandehurin vetëm për garë të paligjshme të automjeteve, me pasojë vdekjen.
I pandehuri kryesor, i cili ishte 22 vjeç në kohën e krimit, kishte ngarë 167 kilometra në orë makinën e tij 600 kf përmes një zone banimi në Moers, ku lejoheshin vetëm 50 km.
Kur një grua e papërfshirë kishte dalë nga një rrugë anësore me makinën e saj të vogël, kosovari nuk kishte mundur të frenonte më dhe e kishte goditur me shumë forcë. Gruaja kishte vdekur nga dëmtimi i trurit si rezultat i përplasjes, thotë gjykata.
BGH i është referuar një deklarate nga i pandehuri se ai po udhëtonte në një rrugë në të cilën kishte përparësi të dukshme dhe për këtë arsye kishte besim se nuk do të mund të ndodhte ndonjë aksident, përcjell albinfo.ch. Gjykata nuk e ka vlerësuar sa duhet këtë deklaratë në diskutimet e saj.
I pandehuri i dytë gjegjësisht “bashkëgaruesi” i të pandehurit kryesor, ishte dënuar me tre vjet e nëntë muaj. Kjo masë dënimi i është konfirmuar nga BGH.
Të ngjashme
Të tjera nga Lajme
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
Olti Hyseni, 16-vjeçari shqiptar që po mahnit Danimarkën
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani