Nestle, e 21-ta në mesin e 100 kompanive më të fuqishme në botë

Edhe kompanitë e mëdha farmaceutike zvicerane si Roche dhe Novartis janë gjetur mirë në këtë listë. Ato janë radhitur në vendin e 28-të gjegjësisht 35-të

Në ranglistën e 100 kompanive më të fuqishme në botë, të  realizuar nga kompania konsultative EY, vendin e parë e ka zënë gjiganti i kompjuterëve Apple. Në vendin e dytë është kompania amë e Google-s, tashmë Alphabet dhe në të tretin, Microsoft.

Llogaritur për nga vlera e tyre në bursa, 14 kompanitë më të mëdha janë nga SHBA-ja.

Në mesin e 100 kompanive udhëheqëse janë shumë banka, ndërmarrje sigurimesh dhe kompani investuese nga SHBA, Kina etj.

Është interesante se Zvicra e vogël radhitet mjaft mirë në këtë ranglistë. Kështu kompania më e vlefshme zvicerane është prodhuesi i madh i ushqimit, Nestle, e cila zë vendin e 21 në mesin e 100 kompanive më të fuqishme në botë. Edhe kompanitë e mëdha farmaceutike zvicerane si Roche dhe Novartis janë gjetur mirë në këtë listë. Ato janë radhitur në vendin e 28-të gjegjësisht 35-të.