Maqedonia
Nesër votohet në zgjedhje të dyfishta në Maqedoninë Veriore
1 815 350 persona janë në listën zgjedhore me të drejtë vote për zgjedhjet parlamentare
Komisioni Shtetëror i Zgjedhjeve në Maqedoninë Veriore ka shpërndarë materialin e besueshëm zgjedhor nëpër vendvotime, dha edhe lejet e fundit për vëzhgimin e zgjedhjeve dhe vazhdon të presë ankesa nga qytetarët sa i takon të drejtën individuale të votës.
Kjo mundësi do të jetë e hapur deri nesër në mbylljen e votimeve.
Ndërkohë, garuesit në zgjedhje janë në heshtje zgjedhore, e cila ka filluar mbrëmë nga mesnata dhe do të zgjasë deri nesër në orën 19.00.
KSHZ-ja kujton që vota është individuale, nuk lejohet votimi familjar dhe nuk lejohet fotografimi i votës. Për zgjedhjet e dyfishta, votuesi mund të paraqitet vetëm një herë në vendvotim, shkruan Alsat, transmeton albinfo.ch.
“Këshilli zgjedhor detyrimisht i pyet votuesit për cilin lloj të zgjedhjeve do të votojnë. Do të votojnë për zgjedhje presidenciale, do të votojnë për zgjedhje parlamentare ose për të dy llojet e zgjedhjeve. Po ashtu ua sqaron mënyrën e votimit. Votuesi mund të paraqitet në vendvotim vetëm një herë për të realizuar të drejtën e tij të votimit”, deklaroi Dimitre Shehu, nënkryetare e KSHZ-së.
Këshillat zgjedhor duhet të udhëzojnë qytetarët dhe të sigurojnë që ata të mund ta realizojnë të drejtën e tyre të votës. KSHZ-ja fton trupat zgjedhorë të respektojnë ligjet.
“KSHZ-ja apelon te këshillat zgjedhorë dhe Komisionet komunale zgjedhore të vazhdojnë të respektojnë ligjet dhe Kodin zgjedhor, udhëzuesit dhe rregulloret e miratuara nga KSHZ-ja, me qëllim zbatimin e zgjedhjeve të dyfishta ditën e nesërme”, tha Boban Stojanovski, anëtar i KSHZ-së.
1 815 350 persona janë në listën zgjedhore me të drejtë vote për zgjedhjet parlamentare. Ky numër është për 1033 më i lartë se personat në listën zgjedhore për zgjedhjet presidenciale. Qytetarët brenda vendit do të mund të votojnë në 3480 vendvotime. Votimi bëhet me dokument të vlefshëm ose të skaduar jo më herët se 24 korriku 2023 për ata që votojnë për president, dhe jo më herët se 8 gushti 2023 për ata që votojnë për zgjedhjet parlamentare.
Të tjera nga Maqedonia
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj