Shkurt.ch
Në Rümlang të Cyrihut hapet qendra e re federale e azilit
Autoritetet federale, ato kantonale dhe Komuna e Rümlang-ut janë pajtuar për hapjen e qendrës së re federale të azilit në Rümlang
![](https://www.albinfo.at/wp-content/uploads/files/asyl 133412265-587x396.jpg)
Federata, Kantoni i Cyrihut dhe Komuna e Rümlang-ut kanë rënë në ujdi që në objektet ushtarake në Haselbach të hapet një qendër e re federale e azilit. Me këtë vendim, regjioni i azilit për Cyrih e përmbush zotimin për të siguruar vend për 870 refugjatë.
Federata, për të realizuar synimin sipas të cilit 60 për qind të të gjithë azilkërkuesve do t`i përcillte vetë deri në fund të procedurës, kishte vendosur që gjashtë regjione të Zvicrës të ofronin vende të përshtatshme për të ngritur qendra federale të azilit, thuhet në një komunikatë të Sekretariatit Shtetëror për Migracion (SEM). Regjionit të azilit për zonën e Cyrihut me këtë ndarje i takonte të siguronte vend për 870 azilkërkues, transmeton albinfo.ch. Në qendrën e planifikuar të procedurës së azilit në qytetin e Cyrihut dhe në qendrën ekzistuese kalimtare në Embrach sigurohen nga 360 vende.
Ndërsa 150 vendet e munguara për përmbushjen e zotimit do të sigurohen në qendrën e re që do të vendoset në një objekt ushtarak të liruar.
Deklarata përkatëse është nënshkruar sot nga kantoni, komuna, SEM-i Departamenti i Mbrojtjes (Ministria, VBS) dhe Zyra Federale për Ndërtim dhe Logjistikë (BBL), është deklaruar në një konferencë për media të mbajtur sot.
VBS e lë në dispozicion këtë objekt dhe hapësirë në komunën e Rümlamng-ut nga fundi i vitit 2021. Ndërsa SEM zotohet që atë të fillojë ta shfrytëzojë si qendër federale të azilit jo më vonë se në vitin 2023.
Sipas komunikatës, Kantoni i Cyrihut do të reduktojë gradualisht nga viti 2018 numrin e azilkërkuesve të caktuar për strehim komunal në Rümlang. Ndërsa më së voni nga qershori i vitit 2021, pse rreth dy vite para hapjes së qendrës federale, kantoni nuk i ndan më komunës në fjalë azilkërkues për strehim.
E-Diaspora
-
Lidhja e Mjekëve Shqiptarë në Zvicër ngushëllon familjen Dalipi "Komuniteti mjekësor në Zvicër humbi sot papritmas kolegun e nderuar, doajenin e psikiatrisë dhe psikoterapisë Dr.med....
-
Ndahet nga jeta psikiatri, Dr. med Sami Dalipi
-
Shënohet Dita ndërkombëtare e remitencave, Kosova ka rritje ndër vite
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë