Në qytetin e Parmës nëntori shpallet muajin e kulturës shqiptare

Shoqata “Scdanderbeg” e diasporës shqiptarë në qytetin e Parmës në bashkëpunim me komunën kanë organizuar një program të ngjeshur ngjarjesh

kulturore  që do të kulmojnë në 28 Nëntor në Festën Kombëtare të Flamurit.

Muaji nëntor është shpallur muaji i kulturës shqiptare në qytetin e Parmës në Itali. Kurse të mësimit të gjuhës shqipe, ekspozita fotografike, një spektakël kulturor, seminare letrare e shkencore do të pasurojnë përgjatë këtij muaji,  jetën artisitke e kulturore të qytetit të Parmës duke bashkuar në një atmosferë festive banorët e tij me komunitetin e diasporës shqiptare.

Për mediet lokale këshilltarja komunale Nicoleta Paci, ka thënë se muaji i kulturës shqiptare festohet prej disa vitesh në këtë qytet.

“Jemi të vetëdijshëm që iniciativa të tilla inkurajojnë perspektivën e një qyteti me mundësi gjithnjë e më shumë integruese e gjithëpërfshirëse”, ka thënë ajo.

Ndërsa kryetari i shoqatës Scanderbeg, Bajram Hila ka deklaruar se shoqata punon si një urë lidhëse mes kulturës shqiptare dhe asaj italiane.