Mërgata bashkohet në protestë: Ramës i “urojnë” ditëlindjen dhe dorëheqjen

Në ditën e 35-të e protestës, pjesëmarrësve u bashkohen edhe nga diaspora, tortë Ramës për ditëlindje: Merr edhe Saliun me vete

Protesta e ditës së 35-të ishte ndër më të mëdhatë në historinë e vendit. Varg kilometrik, protestuesit nga sheshi “Skënderbej” deri te “Rogner”. U kërkua dorëheqje e panegociueshme e Ramës

“Lironi çunat”, janë këto thirrjet që jehojnë në protestën e sotme në Tiranë, në mbështetje të protestuesve të arrestuar, gjatë tubimit para Kuvendit që u mbajt para disa ditësh, shkrun ballkanveb.

Mijëra shqiptarë kanë mbushur Bulevardin në protestën kundër Ramës. Sheshi është ndriçuar nga blicët e qytetarëve.

Në protestën mbarëkombëtare, kërkohet largimi i kryeministrit Edi Rama. Kësaj proteste i është bashkuar edhe Diaspora, duke bërë histori me një pjesëmarrje rekord.

“Mirëseerdhët Diasporë. Në fytyrat tuaja shoh ato të tim vëllai. Sot në fytyrat tuaja shoh fytyrat e Shqipërisë së Re pa autokratë si Edi Rama. Jemi këtu që nënat tona të mos na përcjellin më me lot në sy. Kemi ikur për 36 vjet. Nuk ikim më, ikni ju. Jam këtu me besimin se në Shqipërinë e Re ka një drejtësi të re që heton edhe Edi Ramën, edhe oligarkët edhe autokratët edhe pronarët e mediave”, u shpreh një protestuese.

Ndërkohë, disa prej tyre kishin përgatitur edhe një tortë për ditëlindjen e Edi Ramës, ku shkruhej: “Populli të uron dorëheqjen, merre edhe Saliun me vete”.

---