Ndryshon moti në Kosovë, bien temperaturat

Sot pritet mot më i freskët, me mundësi për rrebeshe lokale dhe shkarkesa rrufesh

Në Kosovë sot pritet ndryshim i kushteve atmosferike, me ulje të temperaturave dhe shtim të vranësirave në disa zona të vendit.

Gjatë ditës parashikohen intervale me diell, por edhe zhvillime të vranësirave që lokalisht mund të sjellin rrebeshe shiu dhe shkarkesa rrufesh, përcjell albinfo.ch.

Temperaturat do të jenë më të ulëta krahasuar me ditët e fundit, duke sjellë mot më të freskët në pjesën më të madhe të vendit.

Gjatë pasdites dhe mbrëmjes pritet shtim i vranësirave, ndërsa në zona të caktuara mund të ketë reshje shiu dhe zhvillime të stuhive lokale.

Ndryshimi i motit pritet të jetë i përkohshëm, ndërsa temperaturat pritet të rikthehen gradualisht në rritje gjatë ditëve në vijim.

 

---