Sport
Ndryshimi i sponsorit, Federer përfiton 300 milionë dollarë
Zvicerani ka ndryshuar sponsorin pas 24 vitesh, sepse kishte nënshkruar me ‘Nike’ që në moshën 13-vjeçare
Tenisti zviceran Roger Federer zyrtarisht ka ndërruar sponsorin, por ka 300 milionë arsye për t’u gëzuar.
Ikona e tenisit ka nënshkruar me kompaninë japoneze “Uniqlo”, ku do të përfitojë 300 milionë dollarë për dhjetë vjet, apo 30 milionë dollarë në vit, shkruan albinfo.ch.
Zvicerani ka ndryshuar sponsorin pas 24 vitesh, sepse kishte nënshkruar me ‘Nike’ që në moshën 13-vjeçare, dhe e ka sponsorizuar deri më tani.
Marrëveshja me kompaninë amerikane kishte përfunduar në mars të këtij viti dhe nuk ishte vazhduar më. ‘Nike’ nuk ka dhënë ndonjë koment që nuk ka vazhduar me tenistin zviceran.
Federer kaloi pa problem turin e parë në ‘Wimbledon’, që llogaritet turneu më i rëndësishëm në tenis dhe do të mundohet të triumfojë, kësaj radhe me sponsor të ri. Ai ka fituar 20 Grand Sleme në karrierën e tij.
“Kemi shumë të përbashkëta me ‘Uniqlo’, pasi që të dy ndikojmë pozitivisht në botë. Do të përpiqemi të bashkojmë forcat dhe të ndërthurim përpjekjet tona kreative”, është shprehur Federer.
Vitin e kaluar, Federer fitoi 64 milionë dollarë nga turnetë dhe sponsorët, duke u klasifikuar i katërti, por ai pritet të ngritet edhe më lart, madje, mund të dalë edhe në vendin e parë.
Të ngjashme
Të tjera nga Sport
E-Diaspora
-
Platforma“Made in Kosova” promovon potencialin ekonomik, kulturor e turistik Në ambientet e TechPark Prishtina, sot u përuruan këndi dhe platforma më e re “Made in...
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë