Zhvillim
Ndërtohen tri qendra për ruajtjen e produkteve bujqësore
Ministria kosovare e Bujqësisë e ka ndarë një shumë prej 2.6 milionë eurosh për ndërtimin e tri “supermarketeve” bujqësore
Ministria e Bujqësisë, Pylltarisë dhe Zhvillimit Rural (MBPZHR) ka ndarë një shumë prej 2.6 milionë euro për ndërtimin e qendrave moderne për grumbullimin dhe ruajtjen e prodhimeve bujqësore. Nga kjo shumë do të përfitojnë tri rajone, Dukagjini, Pashtriku dhe Anamorava.
Përmes këtyre qendrave, MBPZHR synon të rris qëndrueshmërinë dhe të ndikojë në zgjatjen e jetës së produkteve bujqësore për të furnizuar tregun me prodhime të freskëta gjatë tërë vitit.
Sipas zyrtarëve të Ministrisë së Bujqësisë, këto qendra moderne, iu krijojnë mundësi prodhuesve që të aplikojnë teknologji të reja në tërë zinxhirin e vlerave për pemë, perime dhe rrush tryeze dhe krijon mundësi për eksportin e këtyre produkteve në tregjet e BE-së.
Adil Behramaj është zëdhënësi i Ministrisë së Bujqësisë. Ai është optimist se me ndërtimin e këtyre qendra do të krijohen kushtet që prodhuesit vendor të dalin në treg me produkte bujqësore në pranverën e hershme.
Po ashtu Behramaj ka thënë se këto qendra grumbulluese, do të vazhdojnë të nxisin rritjen e prodhimtarisë për të zëvendësuar produktet e importit, raporton KosovaPress.
“…Qasje në treg ka qenë e kufizuar për shitësit me shumicë dhe supermarketet si pasojë e sasive të vogla dhe furnizimit me periudha të kufizuara të ruajtjes, shpeshherë prodhuesit vendor nuk i kanë marrë si ofertues serioz, prandaj këto qendra do të shërbejnë edhe si tregje bujqësore, si supermarkete të mëdha bujqësore për të gjithë tregtarët me shumicë dhe pakicë”, thotë Behramaj.
Ai thotë se kufiri më lartë i shpenzimeve të pranueshme për ndërtimin e një qendre është 2 milionë euro dhe Ministria e Bujqësisë mbulon investimin deri në masën 50 për qind.
“Granti investiv për ndërtimin e një qendre grumbulluese mund të arrijë deri në 1 milion euro”, sqaron Behramaj.
Në këto tri qendra grumbulluese me kapacitete të mëdha, fermerët do të kenë mundësi që prodhimet e tyre bujqësore t’i ruajnë të freskëta, gjë e cila do të ndikojë në një tregtim të suksesshëm të tyre.
Qendra grumbulluese në rajonin e Dukagjinit do të ketë sipërfaqe prej 3085 m², ajo në rajonin e Pashtrikut 2050 m², ndërsa sipërfaqja e qendrës grumbulluese në rajonin e Anamoravës do të jetë 2740 m².
Të tjera nga Zhvillim
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri