Musk nuk përfill sanksionet e SHBA-së, dërgon Starlinkun në Iran

SpaceX do të aplikojë për një përjashtim nga sanksionet e SHBA-ve kundër Iranit.

Kjo në një përpjekje për të ofruar shërbimin e saj të internetit satelitor në vend.

Lajmi u bë i ditur nga vetë, Elon Musk.

“Starlink do të aplikojë për një përjashtim nga sanksionet kundër Iranit”, tha Musk në përgjigje të një postimi në Twitter nga një reporter shkencor.

Musk fillimisht kishte njoftuar se shërbimi i internetit satelitor Starlink ishte vënë në dispozicion në çdo kontinent, përfshirë Antarktidën, transmeton ap, përcjell Albinfo.ch.

Gazetari shkencor me origjinë iraniane, Erfan Kasraie, kishte thënë në Twitter se sjellja e shërbimit në Iran mund të jetë një “ndryshues i vërtetë i lojës për të ardhmen” e vendit, gjë që shkaktoi përgjigjen e Musk.

I lancuar në fund të vitit 2020, Starlink ofron shërbim me brez të gjerë me shpejtësi të lartë.

Shërbimi u bë i njohur pasi furnizoi me antena dhe modem ushtrinë ukrainase për të përmirësuar aftësitë e saj të komunikimit në luftën e saj me Rusinë

 

---

LAJME INTERESANTE NGA INTERNETI