Zhvillim
Moszbatimi i ligjeve ngadalëson zhvillimin ekonomik
Moszbatimi i ligjeve në ekonomi është njëri ndër problemet kryesore të mos funksionimit ekonomik, konsideron Lekë Musa, ekspert i ekonomisë
Kuvendi i Kosovës nën sponsorimin e Qeverisë, ka miratuar një mori ligjesh që lidhen me çështjet ekonomike, por shumica prej tyre nuk ka gjetur zbatim në praktikë. Mosfunksionimi i këtyre ligjeve, përveç vonesave të theksuara në çështjen e integrimit evropian, kanë krijuar mostabilitetet edhe tek investitorët e huaj.
Njohësit e çështjeve ekonomike janë shqetësuar me mosfunksionimin e këtyre ligjeve, pavarësisht se shumica e tyre janë në harmoni me ato të BE-së (Acqui Communautaire), por ka edhe të tillë që duhet të amandamentohen dhe të modifikohen.
Lekë Musa është njohës i çështjeve ekonomike dhe ish-drejtor ekzekutiv në Odën Ekonomike Amerikane në Kosovë. Ai tha se një nga problemet kryesore në mosfunksionimin ekonomik në vend ka të bëjë pikërisht me mos zbatimin e ligjeve që i përkasin fushës së ekonomisë.
“Moszbatimi i ligjeve në ekonomi është njëri ndër problemet kryesore të mos funksionimit ekonomik”, thotë Musa raporton REL.
Edhe Komisioni Parlamentar për Zhvillim Ekonomik Infrastrukturë, Tregti dhe Industri, gjatë monitorimeve që iu kanë bërë ligjeve në fushën e ekonomisë kanë evidentuar se zbatueshmëria e tyre është nën nivelin e dëshiruar.
Myzejene Selmanaj, anëtare e këtij komisioni, thotë për REl se në mungesë të një Departamenti në Kosovë ku duheshin të hartoheshin ligjet, Kosova është dashur t’i marrë ligjet nga vendet e rajonit dhe pastaj në praktikë është parë se janë të pa zbatueshme.
“Çështja e zbatueshmërisë së ligjeve në ekonomi mund të themi se nuk jemi të kënaqur. Ne kemi pasur në monitorim shumë ligje brenda komisionit tonë dhe komisionit për buxhet dhe financa dhe është para se duhet akoma ndryshim plotësim i këtyre ligjeve”, vlerëson Selmanaj.
Sidoqoftë, edhe mosfunksionimi i gjykatave është një problematikë tjetër, thotë eksperti i çështjeve ekonomike Lekë Musa. Sipas tij, në shumë raste kur është marrë një vendim që është në mospërputhje me ligjin gjykatat në Kosovë janë treguar shumë të ngadalshme në zbatimin e ligjit.
Të tjera nga Zhvillim
E-Diaspora
-
Dua Lipa reagon për vrasjet në Gaza Këngëtarja shqiptare me famë botërore shqiptare, Dua Lipa, ka bërë thirrje për ndaljen e luftimeve në...
-
Java e Kulturës së Kosovës në Berlin
-
Bukuresht: Koncert madhështor nga sopranoja Inva Mula dhe tenori Gjergji Mani
-
Ramë Dardania, me ekspozitë në Pragë
-
Oficerë shqiptarë që shërbejnë dhe kontribuojnë në sigurinë e Nju-Jorkut
Jeta në Austri
-
Prezantohet në Vjenë platforma “Made in Kosova“ Vjenë: U bë degustimi i verërave nga Kosova...
-
Austri: Të paktën 300 kocka vigane janë gjetur në një bodrum shtëpie
-
Austri: Përmbledhje e lajmeve më të fundit të ditës së sotme
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë