Mjekët ua faturojnë pacientëve 450 milionë franga “për asgjë”

Gjatë vitit 2015 mbi këtë bazë janë llogaritur 450 milionë franga. Për të parë dallimin, këtë shumë duhet krahasuar me atë të vitit 2010 kur në këtë kategori kanë qenë 200 milionë franga

Mjekët në Zvicër në faturat që ua dërgojnë pacientëve të tyre  ua llogarisin gjithnjë më shpesh edhe kohën e kaluar në mungesë të pacientit. Fjala është për llogaritjen e kohës së bisedave me mjekët tjerë ose me familjarët e pacientit apo edhe koha për studimin e akteve.

Siç ka dokumentuar emisioni i mbrëmshëm “10vor10” i televizionit publik srf, gjatë vitit 2015 mbi këtë bazë janë llogaritur 450 milionë franga. Për të parë dallimin, këtë shumë duhet krahasuar me atë të vitit 2010 kur në këtë kategori kanë qenë 200 milionë franga., transmeton albinfo.ch

Këto gjetje i ka bërë një studim i realizuar nga federata e arkave të sigurimit shëndetësor Santesuisse.

Drejtorja e Santesuisse Verena Nold lidhur me këtë ka thënë se është diçka e patolerueshme. “Ky pozicion ngjan me një shitore vetëshërbimi”, ka thënë ajo.

Më së shumti nga kjo dukuri janë prekur, sipas studimit në fjalë, ambulancat e spitaleve.