Shëndetësi
Mjekët turq shkëmbejnë përvoja me mjekët e Kosovës
Sot ka nisur Java e Shëndetësisë mes Kosovës dhe Turqisë, dhe kjo javë po shihet si mundësi që të përfitojnë edhe mjekët, por edhe pacientët.
Ministri i Shëndetësisë, Uran Ismajli, tha se është një Javë shumë e mirë për shëndetësinë kosovare, pasi që 26 mjekë nga Turqia kanë ardhur për të shkëmbyer përvojat e tyre mjekësore me mjekët kosovarë.
Sipas tij, nga kjo javë, përveç mjekëve dhe spitaleve në Kosovës, më së shumti do përfitojnë pacientët.
Kurse, ambasadori i Turqisë në Kosovës, Çagri Sakar, ka ofruar mbështetjen e vazhdueshme për Kosovën jo vetëm në fushën e shëndetësisë.
Sipas tij, në Kosovë gjatë kësaj jave po qëndrojnë ekspertë të shëndetësisë turke që do bëjnë kontrolle e operime mjekësore dhe trajtime të ndryshme.
Drejtori i SHSKUK-së, Basri Sejdiu, tha se nga Java e Shëndetësisë mes Kosovës dhe Shqipërisë do të përfitojnë edhe pacientët, por edhe stafi mjekësor i QKUK-së.
Përfaqësuesi i mjekëve nga Turqia, Arif Cetik, tha se ata si staf mjekësor janë këtu në kuadër të realizimit të marrëveshjes në sektorin e shëndetësisë mes Kosovës dhe Turqisë, e nënshkruar në vitin 2009, e cila parasheh edhe dërgimin e 100 pacientëve kosovarë për shërim në Turqi.
Gjatë Javës së Shëndetësisë, e cila do të mbahet nga data 17 deri 23 qershor, për vizitë në Kosovë do të qëndrojë edhe zëvendësministrja e Shëndetësisë e Turqisë, Emine Alp Meşe, me ç’rast dy ministritë respektive të Shëndetësisë do të nënshkruajnë Planin e Veprimit për implementimin e bashkëpunimit në shëndetësi ndërmjet dy shteteve, raporton KosovaPress.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?