Lajme
Ministri Berset pranon se Zvicra ka pasur mungesë të maskave
Berset pranon se në fillim të krizës depotë e maskave ishin të zbrazëta dhe se ishte e vështirë të siguroheshin ato
Sipas ministrit të shëndetësisë, Alain Berset, detyrimi i mbajtjes së maskës në transportin publik, i cili hyn në fuqi të hënën, ka ardhur si pasojë e rritjes së numrit të infeksioneve dhe numrit në rritje të udhëtimeve pas zbutjes së masave të bllokimit.
Mungesa e disiplinës gjithashtu luan një rol në këtë pikë, ka shtuar Berset, shkruan blick.ch. Shumë njerëz nuk mbajnë maskë në trena, tramvaje dhe autobusë, megjithëse Këshilli Federal e ka rekomanduar fuqimisht një gjë të tillë, në rastet kur nuk mund të sigurohet mbajtja e distancës minimale prej 1.5 metrash.
Më parë, duke qenë se shkollat, dyqanet dhe restorantet ishin të mbyllura, çështja e maskës nuk luante një rol kaq të madh në atë kohë, transmeton albinfo.ch. Ishte e rëndësishme vetëm që stafi infermieror të kishte maska të mjaftueshme.
Berset pranon se në fillim të krizës depotë e maskave ishin të zbrazëta dhe se ishte e vështirë të siguroheshin maskat. Kështu, ai ka pranuar kritikat që i ishin bërë aso kohe departamentit që drejton ai. Tani, kur të gjithë njerëzit janë në lëvizje, maska është e nevojshme në rastet kur nuk mund të sigurohet distanca minimale.
“Ne kemi situatën nën kontroll për momentin. Infeksioni prek kryesisht të rinjtë. Numri i të shtruarve në spital është i ulët”, ka thënë Berset, përcjell albinfo.ch.
Ai thotë po ashtu se pritej që numri i infeksioneve të rritej pas zbutjes së masave. Berset ka shtuar se aktivitetet me pjesëmarrje të madhe të publikut mund të lejohen përsëri nga vjeshta por vetëm nëse situata epidemiologjike do ta lejojë një gjë të tillë.
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Austri
-
Austria dhe Britania e Madhe me bashkëpunim për deportimin e emigrantëve Austria dhe Britania e Madhe kanë arritur dakordim të punojnë së bashku për të ndryshuar sistemin...
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?