E-Diaspora
Mijëra zviceranë e shqiptarë marshojnë në nderim të Iljasit të vogël
Gjatë gjithë kohës, pjesë e marshimit kanë qenë edhe përfaqësuesit më të lartë të ekzekutivit të qytetit, Elisabeth Ackermann dhe Baschi Dürr
Një kortezh i gjatë i përbërë nga disa mijëra veta, shqiptarë, zviceranë dhe të huaj të tjerë, ka bërë një marshim të heshtur rrugëve të qytetit për të shprehur pikëllimin për vdekjen e vogëlushit Iljas M., i cili u vra në mënyrë mizore të enjten që shkoi nga një grua 75 vjeçare. Marshuesit fillimisht u grumbulluan në parkun Schützenmatpark në afërsi të qendrës së qytetit të Bazeli, shkruan albinfo.ch. nga vendi i ngjarjes.
Të rritur, pleq, fëmijë, shumica me lule në duar, dhe me pankarta, të shkruara gjermanisht dhe shqip, shprehnin dhembjen për vdekjen e padrejtë të vogëlushit dhe solidarizimin me familjen.
“Unë jam Ilias”, “A e kam të sigurt rrugën për në shkollë”, “Ai ishte vetëm një fëmijë”, “A e arsyeton labiliteti psikik vrasjen”, “Mallkuar qoftë” dhe parolla të tjera mund të lexoheshin në pankartat që i mbanin kryesisht füëmijët, moshatarë të Iljasit të ndjerë.
Kolona e gjatë, e shoqëruar nga policia pastaj ka bërë një marshim deri në vendin ku ka ndodhur krimi. Një mal me lule, lodra fëmijësh, qirinj, flamuj etj. ishin vendosur në një hapësirë të vogël, rreth të cilës kanë parakaluar të gjithë marshuesit. Ata kanë vendosur sërish lule e lodra, kanë ndezur qirinj dhe janë lutur në heshtje për Iljasin e vogël.
Gjatë gjithë kohës, pjesë e marshimit kanë qenë edhe përfaqësuesit më të lartë të ekzekutivit të qytetit, Elisabeth Ackermann, Baschi Dürr dhe funksionarë të tjerë të lartë të Baselit.
Përfundimi i marshimit dhe pika më e dhimbshme e tij ka qenë në oborrin e shkollës ku i ndjeri ka ndjekur mësimet.
Në një platformë të improvizuar, aty, në emrin e familjes e ka marrë fjalën Sinan Shasivari ndërsa në emrin e Bashkësisë Islame Shqiptare të Bazelit, Muhamed Nuredini. Shasivari ka falënderuar pjesëmarrësit e shumtë për vullnetin e tyre që të jenë pjesë e një manifestimi të tillë spontan. “Iljasi më nuk do të shkelë pragun e kësaj shkolle”, ka thënë më tutje Shasivari. Ai ka shprehur dëshirën që ky të jetë rasti i fundit që ndodh një krim i tillë dhe ka uruar që askush të mos marrë një goditje të tillë të fatit, çfarë mori familja e Iljasit të vogël.
E-Diaspora
-
Avokati kërkon lirimin e menjëhershëm të shqiptarit të akuzuar për vrasje të dyfishtë Ai mbështetet në rrëfimin e autorit E.B., i cili tashmë është dënuar për këtë rast, një ditë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa