Meta promovon Alpet Shqiptare

Presidenti i Shqipërisë, Ilir Meta, ka zgjedhur vikendin të kalojë në Luginën e Valbonës dhe Theth duke i promovuar kështu bukuritë e Alpeve Shqiptare.

Gjatë kësaj vizite Meta është ndalur edhe te “Syri i Kaltër”, një tjetër bukuri natyrore që ofron parku kombëtar i Thethit.

“Mos mendoni të dashur miq se jam në Tirol të Austrisë apo diku tjetër në Alpet e Evropës. Jam te ‘Syri i Kaltër’ në Theth të Shqipërisë, në Alpet më të bukura në botë. Mos e humbisni mundësinë për të vizituar ‘Syrin e Kaltër’ këtu në Theth në zemrën e Alpeve tona”, ka shkruar presidenti Meta në rrjetin social në facebook.