Mesazh prekës nga babai i 17-vjeçares që u mbyt në Gostivar

Besohet se vajza 17-vjeçare po ikte nga qentë, duke rënë në lumin Vardar

Familja Mexhiti nga fshati Zdunjë i komunës së Gostivarit në Maqedoni është mbuluar në zi dhe në pikëllim të thellë.

Prej së hënës vajza e tyre, Xhejhanja nuk do të jetë më në mesin e tyre. Ata kishin hapur dyert për të pame ku një numër i madh i familjarëve, miqve qëndronin bashkë me ata për të shprehur ngushëllime për humbjen e vajzës.

Babai i Xhejhane Mexhitit, Fejsal Mexhiti edhe përkundër dhimbjes së madhe që ndjente për humbjen e vajzës në këtë rast tragjik ai për Televizionin Koha përshkroi se si ndodhi kjo tragjedi që tronditi familjen e tij dhe apelon që urgjentisht të ndërmerren masa me qëllim që ky rast i kësaj natyre të mos përsëritet dhe uron që të mos i ndodh askujt, përcjell albinfo.ch.

Sipas mediave në Maqedoni, vajza shqiptare ka rënë në lum, derisa po ikte nga qentë.

---