Lajme
Merkel nderohet nga Macron me medaljen më të lartë të nderit
Presidenti francez, Emmanuel Macron, do t’i dorëzojë të mërkurën Angela Merkel simbolin e Kryqit të Madh të Legjionit të Nderit, gjatë vizitës së saj të fundit si kancelare gjermane në Francë.
Kjo “vizitë lamtumire” shfaqet si një moment “personal” mes dy liderëve dhe bashkëshortëve të tyre, Brigitte Macron dhe Joachim Sauer, përpara se Merkel të largohet nga politika.
Kancelarja gjermane do të japë dorëheqjen pas formimit të një qeverie të re gjermane në dhjetor.
Simboli do t’i jepet Merkel për të nderuar jetëgjatësinë e saj që ka udhëhequr Gjermaninë për 16 vjet dhe ka punuar me katër presidentë francezë, Zhak Shirak, Nicolas Sarkozi, Francois Hollande dhe Macron.
“Kryqi i Madh është dallimi më i lartë i Legjionit të Nderit, i cili mishëron soliditetin e miqësisë franko-gjermane, të ruajtur nga Angela Merkel”, thuhej në deklaratën e Presidencës franceze.
Në muajt e fundit, presidenti francez e ka nderuar në disa raste, duke vlerësuar “përkushtimin”, “durimin” dhe “aftësinë për të dëgjuar” të kancelares, me të cilën ka bashkëpunuar ngushtë në skenën europiane. Sipas tij, “Europa nuk mund të ecë përpara nëse Gjermania dhe Franca nuk janë dakord”.
Presidenca franceze sqaroi gjithashtu se Macron ka zgjedhur Beaune për të realizuar takimin e pritjes, si një qytet që me monumentet historike dhe verën e mirë ilustron pasurinë e trashëgimisë franceze./Euronews
Të ngjashme
Të tjera nga Lajme
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Austri
-
Dëmet e aksidenteve rrugore arrijnë në miliarda në Austrinë e Epërme Dëmi ekonomik i shkaktuar vetëm nga aksidentet rrugore në Austrinë e Epërme arrin në pothuajse 1.6...
-
Kancelari austriak me thirrje për testime më të shpeshta të ADN-së, për të verifikuar lidhjet familjare
-
Cila është vaksina e rriqrave në Austri dhe a duhet ta merrni atë?
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?