Zhvillim
Mërgimtarët sjellin 605 milionë euro në Kosovë
Gjatë vitit të kaluar të hyrat nga diaspora kanë arritur në 605 milionë euro, ose 20 milionë euro më shumë se në vitin 2011
Dërgesat e mërgimtarëve vazhdojnë ta mbajnë stabil gjendjen sociale në Kosovë. Edhe pse ishte parashikuar se remitencat do të ulen për shkak të krizën në eurozonë, statistikat e fundit demantojnë deklaratat. Gjatë vitit të kaluar më shumë se 605 milionë € kanë arritur nga diaspora në Kosovë.
Shumë që është regjistruar si të hyra të mërgimtarëve, kalon për 20 milionë euro më shumë se në vitin 2011.
Ekspertët e ekonomisë thonë për “zëri” se dërgesat e emigrantëve shkojnë kryesisht në konsum, ndërsa shumë pak prej tyre janë të orientuara në projekte zhvillimore.
Sipas një raporti të fundit të Bankës Qendrore të Kosovës(BQK), dërgesat e emigrantëve më të larta kishin qenë në vitin 2008, duke arritur kështu në rreth 609 milionë euro dhe që nga ajo kohë vazhdimisht kanë shënuar rënie.
Profesori i ekonomisë, Muhamet Sadiku, thotë se me dërgesat e emigrantëve mbulohet konsumi, me ç’rast këto mjete shkojnë jashtë vendit, pasi që deficiti tregtar i vendit arrin në rreth 2 miliardë euro. Ai sqaron se me këto mjete, Kosova e siguron një qetësi sociale.
“Ende kemi një shfrytëzim tejet të ulët të këtyre mjeteve në iniciativa biznesore, përkatësisht në rreth 10 për qind, ndërsa pjesa tjetër shkon në konsum”, ka pohuar Sadiku, sipas të cilit, diaspora vazhdon të mos investojë në Kosovë, pasi që investimet e tyre janë të kushtëzuara me përmirësimin e mjedisit biznesor në vend.
Në anën tjetër, Kujtim Dobruna nga Iniciativa Ekonomike për Kosovën(ECIKS) me seli në Vjenë të Austrisë, pranon se sfidë vazhdon të mbetet orientimi i remitencave drejt kanaleve më të qëndrueshme, sesa konsumi.
Sipas tij, askush nuk mund të detyrojë diasporën që mjetet të dedikohen për investime e jo për konsum. Megjithatë, sipas tij, ka hapësirë për krijimin e një serie skemash e mekanizmash nxitës publiko-privat për të ofruar mbështetje financiare, administrative, këshilluese e teknike për ata pjesëtarë të diasporës.
”Fakti se pjesa dërmuese e diasporës Kosovare jeton në vende që janë prekur fare pak nga kriza, mund të jetë vendimtar për këtë rritje. Por, kjo njëkohësisht dëshmon edhe përkushtimin e diasporës për atdheun”, ka pohuar ai.
Ndryshe, BQK muaj më parë kishte raportuar se dërgesat e emigrantëve deri në shtator 2012 kishin arritur në 436.7 milionë euro dhe krahasuar me periudhën e njëjtë të vitit 2011 kanë qenë për 2 për qind më të larta.
Të tjera nga Zhvillim
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri