Mërgimtarët drejt atdheut, edhe përmes portit të Durrësit

Mediat shqiptare shkruajnë se 2878 pasagjerë dhe 960 automjete kanë mbërritur paraditen e sotme në Shqipëri me tragete nga Italia, përcjell albinfo.ch.

Nga ana tjetër, kapitaneria e portit të Durrësit bën me dije se fluksi ka qenë normal, pasi në vend kanë mbërritur 3 tragete nga 5 që mbërrijnë nga e mërkura deri të dielën.

Për të përballuar fluksin në hyrje të udhëtarëve dhe automjeteve tragetet që lidhin portet italiane të Barit dhe Ankonës me Durrësin bëjnë lundrime të dyfishta.

Fluksi i hyrjeve në vend ka qenë i lartë gjatë këtij sezoni, duke lënë pas vitin pandemik dhe ndikimet negative të tij në ekonomi.