Kosova

Mërgimtarët presin deri në 2 orë në kufijtë e Kosovës

Sipas të dhënave të Ministrisë së Punëve të Brendshme, në matjet e bëra në orën 20:00, pritjet në pikën kufitare të Mërdarës janë dy orë

E shtunë, 7 Korrik 2018 - 21:39 albinfo.ch

Foto ilustrim

Numri i mërgimtarëve që janë nisur drejt Kosovës për të vizituar familjarët, është rritur dukshëm ditën e parë të kësaj fundjave

Si çdo vit, hovi i madh i mërgimtarëve shkakton kolona të gjata dhe pritje me orë në pikat kufitare.

Sipas të dhënave të Ministrisë së Punëve të Brendshme, në matjet e bëra në orën 20:00, pritjet në pikën kufitare të Mërdarës janë dy orë. Derisa kolonat janë të gjata deri në 350 metra për të hyr në Kosovë, shkruan indeksonline

Kjo pikë që lidh Kosovën me Serbinë, është njëra ndër pikëkalimet më të frekuentuara të mërgimtarëve që vijnë në vendlindje.