Mehmedi, sërish shpëtimtar, siguron fitoren në minutën `89

Mehmedi s po di të ndalur! Vetëm katër ditë pasi që me golin e tij e pati shpëtuar në minutën e fundit nderin e klubit të tij, Bayer Leverkusen në Champions League kundër AS Roma, sot lojtari shqiptar i kombëtares së Zvicrës ka vazhduar “misionin e tij shpëtimtar”.

Kësaj here ai në minutën e `89-të ka shënuar kundër VfB Stuttgart në ndeshjen kampionale që u luajt pasditen e sotme dhe i ka siguruar klubit të tij fitoren e vlefshme, 4:3.