Mbrojtësi i Kosovës e këput ligamentin në debutim

Leart Paqarada do t’i nënshtrohet në ditët në vijim një ndërhyrje kirurgjikale dhe do të mungojë për disa muaj

Mbrojtësi i Kosovës, Leart Paqarada, ka këputur ligamentin kryqëzor të gjurit të majtë gjatë debutimit të tij te Heidenheimi kundër Borussia Dortmundit të shtunën. Ai u desh të zëvendësohej në minutën e shtatë, në humbjen 2:0 në shtëpi nga Dortmundi dhe mbeti në vendin e fundit në Bundesligë, pa pikë.

Learti do t’i nënshtrohet në ditët në vijim një ndërhyrje kirurgjikale dhe do të mungojë për disa muaj, shkruajnë mediume të ndryshme gjermane, transmeton albinfo.ch.

Trajneri i Heidenheimit, Frank Schmidt, ka thënë se lëndimi i Paqaradës, është lajm i rëndë për të gjithë.

30-vjeçari iu bashkua Heidenheimit nga Kolni këtë verë. Me klubin e Bundesligës ka kontratë deri më 30 qershor të vitit 2027.

---