Koronavirusi: çast pas çasti

Mbretëria e Bashkuar identifikon dy raste me variantin e ri të COVID-19

E shtunë, 27 Nëntor 2021 - 18:10 albinfo.ch
(AP Photo/Frank Augstein)

Dy persona në Mbretërinë e Bashkuar janë identifikuar të infektuar me variantin e ri të COVID-19, Omicron, tha sekretari i shëndetësisë.

Sipas BBC, Sajid Javid tha se Agjencia e Sigurisë Shëndetësore kishte identifikuar rastet në Chelmsford, Essex si dhe në Nottingham.

Ai tha se rastet ishin të lidhura dhe të dy janë izoluar së bashku me familjet e tyre, derisa bëhen më shumë teste dhe gjurmime kontakti.

Varianti i ri është identifikuar gjithashtu në Afrikën e Jugut, Botsuanë, Belgjikë, Hong-Kong dhe Izrael.

Varianti i ri Omicron u raportua për herë të parë në Organizatën Botërore të Shëndetësisë nga Afrika e Jugut. Javid tha se dy rastet në Mbretërinë e Bashkuar ishin të lidhura me udhëtimin në Afrikën jugore.

 Të tjera nga Koronavirusi: çast pas çasti

OBSH: Vdekjet nga Covid-19, tri herë më shumë se sa raportohen

 E-Diaspora

 Jeta në Austri