Integrimi
Mbrëmje letrare artistike në shënim të 17 Shkurtit – Ditës së Pavarësisë
Organizuar nga Ambasada e Republikës së Kosovës dhe Lidhja e Shkrimtarëve dhe Krijuesve Shqiptarë “Aleksadër Moisiu” në Austri, u mbajt orë letrare artistike
Manifestimi u mbajt në lokalet e bukura të Ambasadës së Kosovës e cila tani gjithnjë e më shumë po ofron për mërgimtarët programe atraktive kulturore. Në emër të nikoqirit, mbrëmjen e hapi Zana Rugova, këshilltare pranë Ambasadës. Ajo ua uroi të pranishmëve njëmbëdhjetë vjetorin e pavarësisë në emër të Ambasadorit të Kosovës, Sami Ukelli, shkruan albinfo.ch.
Prania e z.Roland Bimo, Ambasador i Republikës së Shqipërisë në Austri u vlerësua nga të pranishmit. Ai në fjalën ua uroi festën duke rikujtuar sakrificën e madhe të popullit shqiptar të Kosovë.
“Ne sot rikujtojmë këtu Heroin e Kombit, Adem Jashari. Kur e përmendim emrin e tij, rikujtojmë gjithë ata që flijuan jetën e tyre për lirinë e kombit shqiptar të Kosovës. Në këtë përvjetor nuk mund të mos përmendim se përveç sakrificave të panumërta të popullit shqiptar, shqiptarët e Kosovës patën një mbështetje të dukshme ndërkombëtare në kauzën e tyre të drejtë duke përfshirë këtu dhe vendin këtu ku ne jetojmë e veprojmë, Austrinë. Dhe, në këtë rast një falënderim i veçantë për shtetin austriak, kombin austriak për ndihmën që i dhanë kombit shqiptar gjatë historisë së tij. Në këtë mbështetje të kombit austriak hynë edhe aktiviteti i juaj, i diasporës shqiptare këtu, figura e juaj që këtu keni dhënë, pa dyshim edhe Lidhja e Shkrimtarëve e Krijuesve Shqiptarë “Aleksandër Mosiu” për çka meriton një falënderim të veçantë”.
Programi u drejtua me shije nga Kaltrina Durmishi. Në emër të Lidhjes së Shkrimtarëve përshëndeti Anton Marku, kryetar. Kori i “Fondacionit Mbarëkombëtar të Gruas Nermin Vlora Falaschi”- dega në Vjenë, nën drejtimin e Vlora Jonuzit u paraqit me disa këngë të bukura korale.
Anton Marku paraqiti librin e tij të ri me poezi “ Në secilën hija pak dritë” nga e cila u lexuan poezi nga studiuesja Marsela Xhaferaj. “Libri në fjalë ka të bëj me jetën dhe dashurinë, me humanizmin dhe lirinë, besimin dhe mohimin, shpresën dhe frikën, lumturinë dhe vuajtjen, të përjetuara dhe të perceptuara nga perspektiva artistike. Ky libër është një rrëfim për të bukurën, për kohën, njerëzit dhe vendin e huaj, për ardhjet dhe shkuarjet, për ikjen dhe kthimin”. Pastaj, nga krijimtarie e tyre lexuan Ervina Toptani poezitë: ‘‘Ah moj Shqipëri’’ dhe ‘‘Kosovës time ’’, kurse Angjelina Marku lexoi poezitë: ‘‘Feniks’’, ‘‘Letër vendit tim’’ dhe ‘‘Për qefin tim’’.
Poezi nga Esat Mekuli dhe Azem Shkreli lexoi Dr.Ina Arapi. Ajo foli shkurtimisht për krijimtarinë e tyre letrare. Nizar Meta, lexoi disa poezi nga Ali Podrimja. Ishin këto çaste rikujtimi të kolosëve shqiptarë të penës dhe vargut që u priten mirë nga publiku. Besim Xhelili, kryetar nderi, në emër të Lidhjes së Shkrimtarëve ndau mirënjohje për Korin e “Fondacionit Mbarëkombëtar të Gruas Nermin Vlora Falaschi”- dega në Vjenë, të cilën e pranoi kryetarja e Fondacionit, Rolanda Limani, aktiviste e dalluar. Në fund nga Ambasada e Republikës së Kosovës u dha një koktej rasti.
Historik i shkurtër
Lidhja së Shkrimtareve dhe Krijuesve Shqiptarë ‘‘Aleksandër Moisiu’’ në Austri u formua në vitin 2011. Për një periudhë të shkurtër kohore u anëtarësuan mbi 30 krijues/e nga e gjithë Austria. Lidhja krijoj raporte të mira me shoqatat letrare në Austri ku veçohet ajo me PEN-Klubin e Austrisë. Mbajti orë letrare në gjermanisht dhe shqip, që nga themelimi i saj gjerë më tani 60 orë letrare në disa qytete të Austrisë. Janë botuar rreth 40 vepra letrare nga anëtarët e Lidhjes, mes tyre dy antologji “Iliricum I“ dhe “Iliricum II“ në shqip dhe gjermanisht.
Të ngjashme
Opinione tjera
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri