Mbi 60 për qind e punonjësve shëndetësorë të Maqedonisë do të vaksinohen

KEYSTONE/EPA/GEORGI LICOVSKI

Maqedonia e Veriut po pret vaksinat, të cilat parashihen nga ministri i Shëndetësisë, Venko Filipçe, i cili tha se mbi 60 për qind e punonjësve shëndetësorë do të vaksinohen kundër koronavirusit. Ky numër, sipas tij, është rezultat i hulumtimit të zbatuar nga Ministria e Shëndetësisë me punonjësit shëndetësorë.

“Punonjësit shëndetësorë shprehin interesim me përqindje të lartë për ta pranuar vaksinën dhe kjo është shenjë e mirë për të gjithë qytetarët. Punonjësit shëndetësorë ishin të parët në linjën në luftë dhe e dinë se sa i frikëshëm është virusi. Nëse vaksinohen ata, kjo do të mbjellë besim edhe te qytetarët”, tha Filipçe.

Po ashtu, ministri theksoi se ministria që drejton ai do të njoftojnë në mënyrë të saktë dhe transparente me qëllim që qytetarët të kenë njoftime të sakta për rëndësinë e vaksinimit dhe sigurinë e këtij procesi.

“Vaksinimi është proces serioz. Vaksinat janë të sigurta dhe të kontrolluara në platforma që janë zhvilluar edhe vaksinat e tjera. Një vaksinë e cila kalon procedurën nga Agjencia evropiane dhe amerikane për barna, si p.sh. vaksina Faizer, me siguri është e sigurt për shkak se kriteret dhe kushtet e këtyre dy agjencive janë shumë të rrepta”, theksoi Filipçe. /Albinfo.ch