Mbi 14 vjet burg për dy ngasësit, kanë shkaktuar vdekjen e këmbësorit

Vepra penale e cila u mvishet atyre është vrasje me paramendim prandaj masa e dënimit për ta është 7 vjet gjegjësisht 7 vjet e gjysmë heqje lirie

Gjykata Regjionale në Biel/Bienne u ka shqiptuar dy të rinjve dënime të larta me jysm pasi që me vozitjen e tyre të shpejtë e të papërgjegjshme të makinave janë gjetur fajtorë për shkaktimin e vdekjes së një personi. Vepra penale e cila u mvishet atyre është vrasje me paramendim prandaj masa e dënimit për ta është 7 vjet gjegjësisht 7 vjet e gjysmë heqje lirie.

Njëri nga këta dy persona, para katër vitesh, deri sa po zhvillonte shpejtësinë prej 100 kilometrash në orë brenda vendbanimit (Täuffelen), kishte humbur kontrollin mbi makinën. Në këtë shpejtësi ai kishte goditur një familje që po ecte në trotuar, me ç`rast kryefamiljari kishte humbur jetën.

Sipas prokurorisë, dy ngasësit 22 vjeçarë ishin duke zhvilluar garë shpejtësie.

Krahas dënimit me burg, atyre u janë shqiptuar edhe dënime me gjobë ndërsa automjeti që ka shkaktuar aksidentin, është asgjësuar.