Mbetet mister autorësia e vrasjes së dyfishtë në Laupen

Mbrëmjen e të premtes në Laupen të Kantonit të Bernës janë gjetur në një shtëpi dy persona të vdekur. Policia e Kantonit të Bernës në bazë të shikimit të gjendjes beson se bëhet fjalë për një vrasje. Mundësia që ata të jenë të vetëvrarë është pothuajsee e përjashtuar.

Ndonëse policia nuk ka dhënë informacione për identitetin e viktimave, banorët lokalë thonë për mediet zvicerane se bëhet fjalë për një çift zviceranësh të pensionuar të moshës 64 vjeçare. Çifti kishte blerë një punëtori për prodhimin e djathit në këtë fshat dhe ishte shpërngulr rishtaz këtu. Për këtë arsye burri dhe gruaja nuk ishin shumë të njohur për rrethin e ri.

Pasi që në lokalitet dhe regjion javëve të fundit janë shpeshtuar vjedhjet, dyshohet se edhe çifti ka mundur të jetë viktimë e një grabitjeje të dhunshme.

Policia nuk ka kapur ende asnjë të dyshuar. Ajo po kërkon nga banorët që të ofrojnë dëshmi që do të ndihminin në kapjen e vrasësve të mundshëm.