Mbahet “Dita e mërgimtarit dhe e Dushkajës” në Sukën e Cërmjanit

Ky manifestim është organizuar nga rinia e fshatit dhe të rinjtë nga diaspora

Edhe në Sukën e Cërnjanit ka shumë mërgimtarë që jetojnë jashtë vendit. Por, ata janë bashkuar së bashku me vendësit për të shënuar “Ditën e Mërgimtarit dhe e Dushkajës”, raporton “TV Syri Vision”.

Në këtë manifestim ishte i pranishëm edhe aktori i njohur shqiptar, Çun Lajçi, përcjell albinfo.ch.

Ai madje ia kushtoi disa vargje Sukës. Lajçi theksoi se për të është hera e parë që viziton këtë vend, për të cilin ka dëgjuar shumë dhe është mahnitur me bukuritë e këtij vendi.

Ky manifestim është organizuar nga rinia e fshatit dhe të rinjtë nga diaspora. Ata kishin mundësi të takonin familjarët dhe të çmalleshin me ta. Gjithashtu nuk munguan as këngët folklorike.

Tashmë ky manifestim do të jetë tradicional. 1 gushti do të festohet edhe viteve të ardhshme në këtë vend piktoresk.