Mashtrimi me të huajt dhe azilkërkuesit në Zvicër

Refugjatët kanë menduar se pagesa mund t’u ndihmojë aplikimin e tyre për azil

Disa persona që janë paraqitur si zyrtarë të autoriteteve zvicerane kanë mashtruar, duke u thënë azilkërkuesve dhe të huajve që jetojnë në Zvicër, se do të dëbohen nga vendi, nëse nuk paguajnë para, shkruajnë mediat zvicerane.

Ata janë paraqitur si anëtarë të autoriteteve të kontrollit kufitar zviceran, Sekretariati Shtetëror për Migracionin (SEM) ose edhe Zyra Federale e Policisë (fedpol), njoftoi të dielën gazeta Le Matin Dimanche, përcjell albinfo.ch.

Ata i kanë kërcënuar se do t’u tërheqin lejen e qëndrimit ose do t’i dëbojnë nëse nuk paguajnë në një shumë të caktuar parash në një llogari, përcjell tutje albinfo.ch.

Refugjatët kanë menduar se pagesa mund t’u ndihmojë aplikimin e tyre për azil.

Nuk është bërë e ditur se sa viktima janë deri më tani, dhe sa para u kanë kërkuar.

Fedpol ka inkuadruar të gjitha viktimat që të raportojnë rastin e tyre.

---