Maqedonia
Marrëveshja, mundësi e pakufizuar për shqiptarët
Shqiptarët, por edhe e gjithë popullata e Maqedonisë, do dalin fitues nëse zbatohet marrëveshja e arritur me Greqinë, për ndryshimin e emrit në “Republika e Maqedonisë së Veriut”.
Kështu thotë zëvendëskryeministri për Çështje Evropiane të Maqedonisë, Bujar Osmani, i cili pohon se anëtarësimi në NATO dhe në BE është i garantuar pas zgjidhjes së kontestit të emrit me shtetin fqinj. Sipas tij, me arritjen e këtij qëllimi, dukshëm do të përmirësohet pozita, gjendja politike dhe ekonomike e shqiptarëve në vend.
“Për shqiptarët dhe për qytetarët e Maqedonisë, çështja e NATO-s është ekzistenciale, çështje sigurie dhe çështje “të jesh apo të mos jesh”. Marrëveshja do të hap rrugën për në BE. BE-ja ka mundësi të pafund qoftë për standardin jetësorë, qoftë për ekonominë e vendit, për vende të reja të punës, për lëvizjen e lirë të mallrave dhe të njerëzve, për studentët, për profesorët, për akademikët dhe për të gjithë jep mundësi të pafund. Të gjithë këto përpjeke i kemi bërë së bashku me vendet tjera të rajonit që të futemi nën ombrellën e sigurisë së NATO-s dhe të vazhdojmë në perspektivën evropiane. Thjeshtë nuk kam fjalë për t’i përkufizuar mundësitë që do t’i kenë shqiptarët dhe qytetarët tjerë pas zbatimit të këtij procesi”, deklaroi Osmani, raporton “Alsat”.
Me emrin “Maqedonia e Veriut” pajtohet edhe opozita shqiptare. Syrjah Rashidi nga Aleanca për Shqiptarët thotë se propozimi i ri është më i mirë se ai paraprak, i cili sipas tij përfaqësonte vetëm Maqedonasit.
“Ky propozim konkret është propozim i paketës me përcaktim gjeografik, që ne e përshëndesim si të tillë dhe vlerësojmë se është shumë më i mirë sesa propozimi i paraprak i cili doli nga goja e kryeministrit por u pa qartë se u mbështet edhe nga Bashkimi Demokratik për Integrim. Një propozim i cili as historikisht e as etnikisht nuk i përfshinë shqiptarët brenda. Kjo ishte sa i përket informata të para në lidhje me emrin konkret. Ndërsa sa i përket përmbajtjes së brendshme të marrëveshjes, do të prononcohemi atëherë kur ta kemi në dorë”, tha Rashidi, përcjell albinfo.ch.
Propozimi i ri me përcaktues gjeografik dhe i përthyeshëm, “Republika e Maqedonisë së Veriut”,u prit krah hapur nga opinioni shqiptarë. Reagime, kritika dhe tallje të panumërta nga opinioni shqiptar kishte kundër propozimit të parë publik nga kryeministri Zaev, tashmë të dështuar, që vendi jonë të thirret “Republika e Maqedonisë së Ilindenit”.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik