Maqedonia e Veriut raporton vetëm 85 raste të reja me COVID-19 dhe 4 vdekje

Ulet numri i të prekurve ndjeshëm në Maqedoni

Numri i përgjithshëm i rasteve me COVID-19 në Maqedonin e Veriut ka arritur në 11.839, ndërsa numri i vdekjeve është rritur në 527.

Gjatë 24 orëve janë regjistruar 85 raste të tjera të koronavirusit të ri (COVID-19), duke e çuar në 11.839 numrin e përgjithshëm të të infektuarve me këtë virus në vend.

Ministria e Shëndetësisë njoftoi se gjatë ditës së fundit po ashtu janë raportuar 4 vdekje të reja nga COVID-19, me çka numri i përgjithshëm i vdekjeve është rritur në 527.

Maqedonia e Veriut deri më tani ka kryer 114.807 teste të dyshuara për COVID-19, përfshirë 1.188 teste të kryera gjatë ditës së fundit.

Numri i pacientëve të shëruar nga koronavirusi në vend është 7.664, përfshirë 42 të shëruar në 24 orët e fundit, ndërsa numri i rasteve aktive 3.648.

 

---