Maqedonia
Maqedoni e Veriut: Protestojnë punëtorët e shëndetësisë, cilat janë kërkesat e tyre
Sindikata përkujtoi edhe shqetësimin për eksodin e stafit mjekësor jashtë vendit
Punëtorët e shëndetësisë mbajtën protestë para Ministrisë së Shëndetësisë të Maqedonisë Veriore në shenjë pakënaqësie me aneksin e panënshkruar të Marrëveshjes Kolektive.
Me këtë aneks parashihet pagat e të gjithë punonjësve të rriten me 15%, sipas rritjes së pagës minimale në muajin mars.
Ata thanë se nuk tërhiqen nga kërkesa e tyre dhe nëse nuk realizohen, do të organizojnë protestë edhe më të madhe, raporton RTV21, transmeton albinfo.ch.
“Protesta e sotme është për të dërguar mesazh për pakënaqësinë tonë për atë që nuk ndodhi, dhe ajo është mos nënshkrimi i aneksit, dhe e dyta është ajo që duhet bërë, nëse nuk bëhet, sot jemi ky numër, nesër do të jemi më shumë, ne nuk tërhiqemi në pjesën e asaj që duhet të realizohet pra të nënshkruhet aneksi i marrëveshjes kolektive”, tha Lubisha Karanfilovski nga Sindikata e Pavarur e Shëndetësisë.
Në protestë foli edhe Danica Stojkova, infermiere në Klinikën e Gjinekologjisë, e cila ka theksuar largimin e infermierëve dhe stafit mjekësor.
“Valorizimi i infermierëve dhe personelit tjetër të punësuar në objektet mjekësore duhet të punohet pak më shumë për këtë çështje, sepse pagat realisht nuk arrijnë askund. Nëse dikujt nuk i dalin 4000 euro për një muaj, imagjinoni sa janë 40000 denarë për një familje në muaj”, pohoi Danica Stojkova, infermiere në Klinikën Gjinekologjike.
Sindikata përkujtoi edhe shqetësimin për eksodin e stafit mjekësor jashtë vendit.
“Ka një eksod të madh në shëndetësinë tonë. Kemi dalje maksimale në të gjitha profilet. Është koha që të gjitha partitë politike të vënë gishtin në kokë. Mos e çojmë veten deri në atë pikë që të importojmë punonjës shëndetësorë dhe staf nga vendet e treta”, theksoi Predrag Serafimovski nga Sindikata e Qendrës Klinike.
Gjatë protestës përfaqësuesit e Sindikatës u thirrën në takim me ministrin e Shëndetësisë, Ilir Demiri.
Të tjera nga Maqedonia
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?