Botërori 2026

“Luftë” e fortë në Vancouver, mbyllet pa gola pjesa e parë Zvicër-Kolumbi

E martë, 7 Korrik 2026 - 22:58 albinfo.ch

(KEYSTONE/Peter Klaunzer)

Ka përfunduar në barazim pa gola (0:0) pjesa e parë e përballjes dramatike mes Zvicrës dhe Kolumbisë, e vlefshme për fazën e 1/8 të finales në Kampionatin Botëror 2026. Në stadiumin “BC Place” të Vancouverit, 45 minutat e para dhuruan një betejë të jashtëzakonshme taktike dhe raste të pastra nga të dyja kampet, transmeton albinfo.ch.

Ndeshja nisi me një atmosferë “rrethekuese” për helvetikët, pasi tifozët kolumbianë kishin thyer parashikimet duke mbushur shkallët e stadiumit. Për më tepër, trajneri i Zvicrës, Murat Yakin, u përball me një goditje të rëndë pak para ndeshjes, pasi ylli i skuadrës Johan Manzambi u dëmtua në gjunjë, duke detyruar aktivizimin e Ardon Jasharit dhe Fabian Rieder nga minuta e parë.

Rastet kyçe dhe tensioni në fushë

Ndeshja nisi me ritëm të lartë dhe me Zvicrën që tentoi të bënte presion që në fillim, por Kolumbia gradualisht mori kontrollin e lojës.

Minuta 21′ (Super-Kobel): Kolumbia krijoi rastin më të pastër të ndeshjes. Pas një aksioni të shpejtë, Puerta lëshoi një goditje të rrezikshme me hark nga 16 metra, por portieri zviceran Gregor Kobel bëri një pritje spektakolare duke e shpëtuar portën. Menjëherë pas këtij rasti, gjyqtari akordoi një pushim të shkurtër për të pirë ujë për shkak të temperaturave të larta.

Minuta 30′ – 32′ (Zvicra zgjohet): Pas një gabimi në mbrojtjen kolumbiane, Fabian Rieder tentoi me të majtën brenda zonës, por portieri veteran Camilo Vargas reagoi saktë. Dy minuta më vonë, Dan Ndoye provoi me një goditje të ulët, por sërish pa rezultat.

Minuta 40′ (Rreziku nga Diaz): Ylli i Bayern Munich, Luis Diaz, tentoi një goditje akrobatike “gërshërë” brenda zonës zvicerane, por Denis Zakaria largoi topin me kokë në momentin e fundit.

Statistikat e Pjesës së Parë:

Zotërimi i topit: Zvicra 51% – 49% Kolumbia

Goditje në portë: Zvicra 2 – 1 Kolumbia

Goditje nga këndi: Zvicra 1 – 4 Kolumbia

Faulle: Zvicra 7 – 6 Kolumbia

Gjithçka mbetet e hapur për 45 minutat e dytë.