Loredana, mbretëresha e muzikës në Zvicër

Për pesë ditë, kënga “Romeo & Juliet” ka marr afër 6 milion klikime, raporton albinfo.ch

Rep këngëtarja shqiptare nga Lucerni i Zvicrës Loredana Zefi ka sjell edhe një këngë të re me bashkëshortin e saj, Mozzik. Pas vetëm pak ditë pas lansimit, kënga me videoklip „Romeo & Juliet“ e repëreve ferizajas ka arritur një sukses të pa imagjinuar. Për pesë ditë, kjo këngë ka marr afër 6 milion klikime, raporton albinfo.ch

Ky sukses ka bërë që media të shumta zvicerane ta konsiderojnë si mbretëreshë aktuale  e muzikës në Zvicër. Për kaq pak ditë sa është lansuar kënga e tyre, Loredana gjendet në vendin e parë në platformën e youtubes në Zvicër.

Po ashtu edhe në Spotify, kënga e re që në ditët e para u dëgjua mbi 1,7 milion herë.

Loredana, e suksesshme edhe në Gjermani

Sukseset e Loredanës kanë kaluar pritëshmeritë. Ajo është bërë e njohur edhe në tregun evropian, veçanërisht në atë gjerman.

Sipas kompanisë hulumtuese të tregut në Gjermani „GfK“, këngët e Loredanes „single“ dhe ato në bashkëpunim me Mozzik, në vitin 2018 janë transmetuar 76 milion herë.

Vetëm këngë në bashkëpunim me burrin e saj, „Bonnie &Clyde“ e cila është lansuar në shtator të vitit të kaluar, është dëgjuar 37 milionë herë, shkruan „20 Minuten“, transmeton albinfo.ch.

Këto rezultate kanë bërë që Loredana të jetë këngëtarja më e suksesshme nga Zvicra në Gjermani.

Ajo ka deklaruar se së shpejti do të editoj edhe albumin e parë të saj, ku shumica e këngëve do të janë „single“, por që nuk do të mungojnë edhe bashkëpunimet.