Lirohen 11 kosovarë, mbaheshin me dhunë nga trafikantët

Për shërbimin e tyre ata kërkonin më shumë para se sa që ishin marrë vesh më parë. Bëhet fjalë për një shumë katërshifrore

“Ka qenë rreth orës 3 të natës kur në dhomë papritur hë policët e armatosur”, kujton Armenti 23 vjeçar. Shoku i tij, Samiu 3 vjeç dhe tre meshkuj tjerë po flinin në katin përdhes të shtëpisë por nuk mund të dinin se çfarë po ndodhte në katin e parë. Policët hynë nga dy dyer për të shpëtuar familjen nga kthetrat e trafikantëve.

Aksioni pati sukses pasi që personat e dyshuar u arrestuan ndërsa familja kosovare dhe banorët tjerë (nga Algjeria dhe Maroku) u dërguan në qendra të tjera të strehimit, tregon Armenti.

Kishte qenë rreth orës 20.30 kur një i afërm nga Zvicra i familjes kosovare i kishte telefonuar policisë duke i treguar se pesë të rritur dhe gjashtë fëmijë po mbaheshin me dhunë nga te meshkuj. Policia filloi hetimet dhe pas informacioneve të para kuptoi se tre trafikantët kishin hyrë së bashku me viktimat e tyre ilegalisht në Gjermani.

Ata, për shërbimin e tyre  po kërkonin nga familja më shumë para se sa që ishin marrë vesh më parë. Bëhej fjalë për një shumë katërshifrore  që duhej t`ua paguante familja e përmendur.

Më tutje policia ka kryer aksionin nga i cili nuk ka mbetur asnjë i lënduar. Tre trafikantët e dhunshëm e kanë kaluar natën në polici. Prokuroria shtetërore po i heton ata për privim nga liria dhe për shkelje të ligjit për të huajt.
11 kosovarët janë paraqitur për azil në Hessen.