Vendi me më së shumti shkencëtare dhe inxhiniere në BE

Foto ilustrim

Lituania është vendi i BE-së me përqindjen më të lartë të grave midis shkencëtarëve dhe inxhinierëve, sipas të dhënave zyrtare nga Eurostat.

Zyra statistikore ka specifikuar se dy vjet më parë në pesë shtete shumica e shkencëtarëve dhe inxhinierëve ishte e gjinisë femërore.

Këto janë Lituania (mbi 57% gra shkencëtare dhe inxhiniere), Bullgaria dhe Letonia (53%), pasuar nga Portugalia (51%) dhe Danimarka (pak më shumë se 50%).

Vende të tjera të Europës Qendrore dhe Lindore, duke përfshirë Poloninë, Kroacinë, Slloveninë dhe Rumaninë, ishin gjithashtu mbi mesataren e BE-së prej 41%, transmeton ATSH, përcjell albinfo.ch.

”Të fundit në renditje janë Luksemburgu (25%), Finlanda (29%) dhe Gjermania (33%)”, shpjegoi Eurostat.