Lajme
Valis: Ky person ka vrarë sot dy veta – Policia, në kërkim të 36-vjeçarit
Një operacion i madh policor është duke u zhvilluar në Sitten (Sion) të Kantonit Valis. Një burrë qëlloi disa persona në dy lokacione. Dy persona humbën jetën dhe një tjetër u plagos.

Një burrë ka qëlluar me armë zjarri në dy lokacione të ndryshme në Sion (Sitten) VS të hënën. Pak para orës 8 të mëngjesit, ai qëlloi disa persona për arsye të panjohura, thuhet në një deklaratë të Policisë Kantonale të Valisit, transmeton albinfo.ch. Dy persona humbën jetën dhe një tjetër u plagos.
Pas marrjes së denoncimit, Policia Kantonale e Valisit ka ngritur menjëherë një forcë për arrestimin e autorit, shkruan 20minuten.ch.
Sipas gjetjeve fillestare, autori i ka njohur viktimat e tij. Prokuroria publike ka hapur një hetim për vrasjen si një varg vrasjesh, të kryera me dashje.
Në mesditë, policia njoftoi se po kërkonte 36-vjeçarin Sébastien Robin dhe publikoi një foto të tij, përcjell albinfo.ch. Sipas policisë, autori i dyshuar mund të drejtonte makinën e tij, Peugeot 206 Cabriolet, ngjyrë gri metalike, me targë VS 469’678. Kushdo që mund të japë informacion për këtë njeri, kërkohet të kontaktojë qendrën e operacioneve të policisë kantonale të Valisit në 027 326 56 56.
Policia Kantonale thekson se ky person është i rrezikshëm dhe në asnjë rrethanë nuk duhet të përpiqeni ta arrestoni ose t’i afroheni.
Të ngjashme
Të tjera nga Lajme
E-Diaspora
-
Shqipëri: 200 872 kërkesa për regjistrime për votim nga jashtë, 128 149 të miratuara Votuesit shqiptarë që jetojnë jashtë, për herë të parë kanë mundësi që këtë vit të marrin...
-
529 zarfe me fletëvotime nga diaspora janë anuluar
-
Gazeta zvicerane: Ja si ka votuar diaspora e Kosovës në Aargau
-
“Mos t’i harrojmë arbëreshët” – Historia e një misioni dashurie për atdheun
-
TECH FORUM 2025: Forumi i parë shqiptaro-zviceran në Cyrih
Jeta në Austri
-
Çfarë ndodh pas kolapsit të fundit të bisedimeve të koalicionit në Austri? Pas kolapsit të bisedimeve të koalicionit FPÖ-ÖVP, Austria përballet me javë të tëra pasigurie politike. Pra,...
-
Popullsia e huaj në Austri po rritet, por ku jetojnë ata?
-
Dështojnë negociatat e ekstremit të djathtë për koalicion në Austri
-
Rritet korrupsioni edhe në Austri
-
Gjithnjë e më shumë të diplomuar në Austri janë të papunë, tregojnë shifrat e reja