Kuvendi Kosovës nesër diskuton për ajrin e ndotur

Kryetari i Prishtinës, Shpend Ahmeti, ka kërkuar që për gjendjen e rëndë në të cilën ndodhet kryeqyteti i Kosovës, të diskutohet edhe në Kuvendin e Republikës së Kosovës.

Kryesia ka marrë vendim që seanca e jashtëzakonshme e Kuvendit të mblidhet nesër për të diskutuar rreth gjendjes së ndotjes së ajrit në Kosovë, përcjell albinfo.ch.

“Në mëngjes kemi parë fëmijë që shkojnë në shkollë me maskë dhe jemi vendi më i ndotur në botë, kjo nuk është mirë për vendin”, ka thënë kryetari i Kuvendit, Kadri Veseli.

Ai ka njoftuar se në seancë mund të dilet me një rezolutë e cila do t’i paraprinte një strategjie nacionale për çështjen e ajrit të ndotur.

Ndërsa të enjten do të mblidhet Kuvendi Komunal i Prishtinës për të diskutuar për këtë çështje.