Futboll
Kuvendi i Shqiptarëve të Zvicrës dorëzon ankesë ndaj gazetës zvicerane që sulmoi Granit Xhakën
Pas fitores së Zvicrës ndaj Serbisë, Granit Xhaka pa dyshim që përveç se u shpall lojtari i ndeshjes, arriti të merrte gjithë vëmendjen me përmbajtjen ndaj provokimeve të palës serbe, por edhe me qëndrimin që mbajti. Mirëpo, gjestet e tij u ekzagjeruan gjatë raportimeve nga një medium zviceran. Gazeta “NZZ am Sonntag” e sulmoi mesfushorin kosovar Granit Xhaka dhe spekuloi se heroi kombëtar Adem Jashari dhe familja e tij janë vrarë nga UÇK-ja.
Ndaj këtij shkrimi, kryetari i Kuvendit të Shqiptarëve në Zvicër, Orhan Spahiu, ka bërë të ditur se ka dorëzuar një ankesë.
“Ne kemi reaguar qysh para tri ditëve, kemi reaguar edhe për të tjera tema, si ofendimet nga ana e Serbisë, por sot kemi reaguar për çështjen e tentimit të deformimit të historisë apo fakteve nga gazeta në fjalë dhe gazetari. Po e përcjellim gjendjen, por ankesën e parë e kemi deponuar, po presim tash se çfarë vjen”, ka thënë Spahiu në “60 Minuta” të KTV-së.
Ai ka treguar se të premten, pas fitores së Zvicrës ndaj Serbisë me rezultatin 3:2, rrugët në Zvicër ishin të mbushura.
Spahiu ka thëtë se ishte festë e përbashkët e shqiptarëve e zviceranëve, e kishte flamuj kombëtarë dhe të Zvicrës.
“Ne shqiptarët kishim dy herë arsye më tepër për të festuar, për shkak të lojërave që u bënë para ndeshjes nga pala serbe, por edhe gjithë tensioneve gjatë ndeshjes”, ka theksuar Spahiu, përcjell albinfo.ch.
Ai ka thënë se gazetat në Zvicër janë marrë shumë me sjelljet e Xhakës, por nuk janë marrë me sjelljet e palës serbe dhe fyerjet e shumta që kishte nga kjo palë.
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja